വാന പ്രസ്ഥം
നിങ്ങള്‍ക്ക് ജീവിതത്തിന്റെ ഏതെങ്കിലും ഒരു ഘട്ടത്തില്‍ വഴിവിളക്കായ/വുന്ന ഒരാള്‍ അയാളുടെ/ അവളുടെ അറിവുകേട്‌/ മുന്‍ വിധി കൊണ്ട് നിങ്ങളുടെ ജീവിത സഖാവിന്റെ കടുത്ത സ്വന്തമാക്കല്‍ മനോഭാവത്തിന്റെ പരിമിതിയില്‍ പ്രതിപ്രവര്‍ത്തിച്ച് ഒരു നിഴല്‍ വീഴ്ത്തുന്നു. അയാള്‍ അസ്വസ്ഥയാ/നാവുന്നു. നിങ്ങളുടെ ജീവിതത്തില്‍ നുരഞ്ഞു പതക്കുന്ന ലൈംഗിക അന്തര്‍ദ്ധാരയുള്ള അല്പത്തത്തിന്റെ അസ്വാരസ്യങ്ങള്‍ പതിവാകുന്നു. അതിനിടയില്‍ പെട്ടുപോവുന്ന നിങ്ങള്‍ കഴിവതും ആ വിഷയത്തില്‍ നിന്ന് ഒഴിഞ്ഞു മാറാന്‍ ശ്രമിക്കുന്നു. ഇരു വശത്തെയും നന്മകള്‍ നിങ്ങളെ ഒരു കുരുക്കിലാക്കുന്നു. ആരെ തള്ളിപ്പറഞ്ഞാലും അതു ആത്മ വഞ്ചനയാവും. നിങ്ങളോടുള്ള സ്നേഹവും പരിഗണയും ഇല്ലായിരുന്നെങ്കില്‍ അയാള്‍ ഈ വിഷയത്തില്‍ വാദിയും പ്രതിയും ആവുമായിരുന്നില്ല. അപ്പോള്‍ യഥാര്‍ഥത്തില്‍ പ്രതി നിങ്ങളാണ്. അറിഞ്ഞു കൊണ്ടാണോ? അല്ലേയല്ല. ഇതൊരു ഊരാക്കുടുക്കാണ്. നിങ്ങള്‍ക്കെങ്ങിനെ ഒരാളെ അയാള്‍ മനസാ അറിഞ്ഞിട്ടില്ലാത്ത പ്രശ്നത്തിന്റെ പേരില്‍ തള്ളിപ്പറയാനാവും? മറു വശത്ത് നിങ്ങളുടെ ജീവിതം പകുത്തവന്റെ/ ളുടെ ആകുലത കണ്ടില്ലെന്നു നടിക്കാനാവും? മാനസിക വിക്ഷോഭം നിങ്ങളുടെ പെരുമാറ്റരീതിയെ അതിരുകള്‍ക്കപ്പുറത്തേക്ക് വലിച്ചിഴക്കുന്നു. ഒരിക്കലും ഉച്ചരിക്കില്ലെന്നു സ്വയം കല്‍പ്പിച്ച വാക്കുകള്‍ വികട സരസ്വതിയായി നാവില്‍ കുരുക്കുന്നു. പരാജയ ബോധം സൃഷ്ടിക്കുന്ന ആത്മ പുച്ഛത്തിന്റെ ഇടുക്കു തൊഴുത്തില്‍ നിങ്ങള്‍ തിരിച്ചറിവിലേക്ക് നീങ്ങുന്നു:
അവസാനം നിങ്ങള്‍ തനിച്ചാണ്. സ്നേഹം, പ്രണയം, കുടുംബം, മക്കള്‍, ഭാര്യ, ഭര്‍ത്താവ്, കാമുകന്‍, കാമുകി... ഒറ്റ വാക്കേയുള്ളൂ... അതിനു ആംഗലേയത്തില്‍ മാന്യത കൂടും: കിട്ടേണ്ട , എന്നാല്‍ ഒരിക്കലും കിട്ടാന്‍ ഇടയില്ലാത്ത പെന്‍ഷനെ കുറിച്ചുള്ള വ്യര്‍ത്ഥ പ്രതീക്ഷ വെച്ച് പുലര്‍ത്തുന്ന മാര്‍ക്കേസിന്റെ കേണല്‍, അത് കിട്ടും വരെ നമ്മളെന്തു തിന്നും എന്ന ഭാര്യയുടെ ചോദ്യത്തിന് ഒരു ജീവിതകാലത്തിന്റെ മുഴുവന്‍ അനുഭവ പരിസരത്തില്‍ നിന്ന് ആ പരിശുദ്ധ വാക്ക്‌ കൊണ്ട് മറുപടി പറയുന്നുണ്ട്: ഷിറ്റ് !.
ഇപ്പോള്‍ നിങ്ങള്‍ വാനപ്രസ്ഥത്തെ കുറിച്ച് ചിന്തിച്ചു തുടങ്ങുന്നു.
നിങ്ങള്‍ക്ക് ജീവിതത്തിന്റെ ഏതെങ്കിലും ഒരു ഘട്ടത്തില്‍ വഴിവിളക്കായ/വുന്ന ഒരാള്‍ അയാളുടെ/ അവളുടെ അറിവുകേട്‌/ മുന്‍ വിധി കൊണ്ട് നിങ്ങളുടെ ജീവിത സഖാവിന്റെ കടുത്ത സ്വന്തമാക്കല്‍ മനോഭാവത്തിന്റെ പരിമിതിയില്‍ പ്രതിപ്രവര്‍ത്തിച്ച് ഒരു നിഴല്‍ വീഴ്ത്തുന്നു. അയാള്‍ അസ്വസ്ഥയാ/നാവുന്നു. നിങ്ങളുടെ ജീവിതത്തില്‍ നുരഞ്ഞു പതക്കുന്ന ലൈംഗിക അന്തര്‍ദ്ധാരയുള്ള അല്പത്തത്തിന്റെ അസ്വാരസ്യങ്ങള്‍ പതിവാകുന്നു. അതിനിടയില്‍ പെട്ടുപോവുന്ന നിങ്ങള്‍ കഴിവതും ആ വിഷയത്തില്‍ നിന്ന് ഒഴിഞ്ഞു മാറാന്‍ ശ്രമിക്കുന്നു. ഇരു വശത്തെയും നന്മകള്‍ നിങ്ങളെ ഒരു കുരുക്കിലാക്കുന്നു. ആരെ തള്ളിപ്പറഞ്ഞാലും അതു ആത്മ വഞ്ചനയാവും. നിങ്ങളോടുള്ള സ്നേഹവും പരിഗണയും ഇല്ലായിരുന്നെങ്കില്‍ അയാള്‍ ഈ വിഷയത്തില്‍ വാദിയും പ്രതിയും ആവുമായിരുന്നില്ല. അപ്പോള്‍ യഥാര്‍ഥത്തില്‍ പ്രതി നിങ്ങളാണ്. അറിഞ്ഞു കൊണ്ടാണോ? അല്ലേയല്ല. ഇതൊരു ഊരാക്കുടുക്കാണ്. നിങ്ങള്‍ക്കെങ്ങിനെ ഒരാളെ അയാള്‍ മനസാ അറിഞ്ഞിട്ടില്ലാത്ത പ്രശ്നത്തിന്റെ പേരില്‍ തള്ളിപ്പറയാനാവും? മറു വശത്ത് നിങ്ങളുടെ ജീവിതം പകുത്തവന്റെ/ ളുടെ ആകുലത കണ്ടില്ലെന്നു നടിക്കാനാവും? മാനസിക വിക്ഷോഭം നിങ്ങളുടെ പെരുമാറ്റരീതിയെ അതിരുകള്‍ക്കപ്പുറത്തേക്ക് വലിച്ചിഴക്കുന്നു. ഒരിക്കലും ഉച്ചരിക്കില്ലെന്നു സ്വയം കല്‍പ്പിച്ച വാക്കുകള്‍ വികട സരസ്വതിയായി നാവില്‍ കുരുക്കുന്നു. പരാജയ ബോധം സൃഷ്ടിക്കുന്ന ആത്മ പുച്ഛത്തിന്റെ ഇടുക്കു തൊഴുത്തില്‍ നിങ്ങള്‍ തിരിച്ചറിവിലേക്ക് നീങ്ങുന്നു:
അവസാനം നിങ്ങള്‍ തനിച്ചാണ്. സ്നേഹം, പ്രണയം, കുടുംബം, മക്കള്‍, ഭാര്യ, ഭര്‍ത്താവ്, കാമുകന്‍, കാമുകി... ഒറ്റ വാക്കേയുള്ളൂ... അതിനു ആംഗലേയത്തില്‍ മാന്യത കൂടും: കിട്ടേണ്ട , എന്നാല്‍ ഒരിക്കലും കിട്ടാന്‍ ഇടയില്ലാത്ത പെന്‍ഷനെ കുറിച്ചുള്ള വ്യര്‍ത്ഥ പ്രതീക്ഷ വെച്ച് പുലര്‍ത്തുന്ന മാര്‍ക്കേസിന്റെ കേണല്‍, അത് കിട്ടും വരെ നമ്മളെന്തു തിന്നും എന്ന ഭാര്യയുടെ ചോദ്യത്തിന് ഒരു ജീവിതകാലത്തിന്റെ മുഴുവന്‍ അനുഭവ പരിസരത്തില്‍ നിന്ന് ആ പരിശുദ്ധ വാക്ക്‌ കൊണ്ട് മറുപടി പറയുന്നുണ്ട്: ഷിറ്റ് !.
ഇപ്പോള്‍ നിങ്ങള്‍ വാനപ്രസ്ഥത്തെ കുറിച്ച് ചിന്തിച്ചു തുടങ്ങുന്നു.
No comments:
Post a Comment