ഒരു ബോംബര്‍ പറന്നു പോവുന്നു,
അവരുടെ ആകാശത്തിനു മുകളില്‍ .
ഭൂമുഖത്തെ ഏതോ കോണിലിരുന്ന്‍
ദൈവം ചമയും വിദൂഷകനൊരുവന്‍
ഒരാജ്ഞ കൊടുത്തിട്ടുണ്ട്.
കണ്ടിടത്തെല്ലാം വിത്തെറിയുന്ന
കാളക്കൂറ്റനെ പോലൊരാള്‍
ജനിപ്പിച്ച തന്തയെ മറന്നാലും
ആജ്ഞ മറക്കില്ലെന്നുറപ്പ്‌ .
അവര്‍ക്കും
അവരുടെ കുഞ്ഞുങ്ങള്‍ക്കും
ഒടുവിലൊരു പ്രാര്‍ത്ഥനക്ക് പോലും
ഇടം കൊടുക്കാതെ
മരണം കൊണ്ട്
ഒടുക്കത്തെയത്താഴം.
ഒരു ദൈവത്തിനും തന്തയില്ല.
അതാണ്‌ പ്രശ്നം.
സ്വയം ഭൂവിന്റെ പ്രശ്നം.
No comments:
Post a Comment