വരും കാലം

ഒരു കാലം വരും:
എന്ത് കൊണ്ടാണ് നിന്റെ കവിത 
വീണ്ടും വീണ്ടും
വറ്റിയ ഉറവകളെ കുറിച്ചും
വഴി മറന്ന പറവകളെ കുറിച്ചും 
ഗൃഹാതുരമാവുന്നതെന്ന്
അന്നാരും ചോദിക്കില്ല .
വഴിമുടക്കിയെന്ന് നിന്നെ ഭത്സിച്ചവര്‍
പഴഞ്ചനെന്നു നിന്നെ പടിയിറക്കിയവര്‍
തോറ്റ പ്രവാചകനെന്ന്
അന്ന് നിനക്ക് വരവേല്‍പ്പ് നല്‍കും;
നീയും
നിന്റെ നിഴലും
മറഞ്ഞു പോയിരിക്കാമെങ്കിലും.



******************

വാഗ്ദത്ത നഗരത്തിലേക്ക് കടക്കുമ്പോള്‍
പാദുകങ്ങള്‍ അഴിച്ചു മാറ്റേണ്ടതില്ല.
നഗര പിതാക്കളിപ്പോഴും
സ്മാരകം തീര്‍ക്കുന്ന തിരക്കിലാണ്
പറുദീസാ നഷ്ടത്തിന്റെ ദൈവത്തിന്.
ചിട്ടവട്ടങ്ങളോടെ പൊടി പൊടിക്കുന്നു
വെട്ടേറ്റു വീണവന്റെ പേരിടീല്‍ കര്‍മ്മം :
മനുഷ്യപുത്രന്‍,
ദൈവപുത്രന്‍,
പ്രവാചകന്‍,
രക്ത സാക്ഷി