പഥികനോട്
എവിടെവരെ
എന്ന് ചോദിക്കരുത്;
അയാള്‍ പാതയുമായി പ്രണയത്തിലാണ്.
കാഴ്ച്ചയുടെ കണിയുത്സവങ്ങള്‍
അയാളെ ഭ്രമിപ്പിക്കുന്നില്ല;
പൂമ്പാറ്റച്ചിറകേറി നിങ്ങള്‍ക്ക്‌
മേഘപാളികളില്‍ കൂടുകൂട്ടാനാവില്ല.
വഴിയമ്പലത്തിലെ പെണ്‍കൊടിക്ക്
എസ്മെരെല്‍ദായുടെ നയനങ്ങള്‍.
എന്നാല്‍ ഈ രാവിനപ്പുറം
ജന്മാന്തരങ്ങളിലേക്ക് തുണ പോരാന്‍
അവള്‍ക്കാവില്ല.
നിറഞ്ഞ ചഷകവും മാന്ത്രികസംഗീതവും
ഈ രാവിനു പോന്ന താരാട്ട് മാത്രം.
പുലരുവാനിനി ഏറെയില്ല,
വിണ്ട പാദങ്ങളുമായ്,
കനക്കും സൂര്യനൊപ്പം
പോകണം മുന്നോട്ടു , തനിയെ.
ചോരയിറ്റുന്ന പെരുവഴിയുടെ വേദന
അയാളുടെ ഹൃദയം പിളര്‍ക്കുന്നില്ല.
കൊടുങ്കാറ്റിലും കൂട് കൂട്ടുന്ന
കല തന്നെ ജീവനമെന്നു അയാളറിയുന്നു.
പാലായനത്തിന്റെ കണ്ണീര്‍ ചതുപ്പിലും
പതിയെയെങ്കിലും അത് തളിര്‍ക്കുന്നു.
മഹാനാശങ്ങളുടെ പാഴ്ഭൂമിയിലും
അത് അതിജീവനത്തിന്റെ
തുരുത്ത് സൃഷ്ടിക്കുന്നു.
ഒരു നാള്‍ ചുറ്റിനും ഒരു പ്രഭാവലയവുമായി
അയാള്‍ തിരിച്ചു വന്നേക്കാം
ആര്‍ക്കറിയാം,
പുറപ്പെട്ടു പോയവരാണ്
വലിയ അറിവുകളുമായി തിരിച്ചു വന്നത്!
എന്ന് ചോദിക്കരുത്;
അയാള്‍ പാതയുമായി പ്രണയത്തിലാണ്.
കാഴ്ച്ചയുടെ കണിയുത്സവങ്ങള്‍
അയാളെ ഭ്രമിപ്പിക്കുന്നില്ല;
പൂമ്പാറ്റച്ചിറകേറി നിങ്ങള്‍ക്ക്‌
മേഘപാളികളില്‍ കൂടുകൂട്ടാനാവില്ല.
വഴിയമ്പലത്തിലെ പെണ്‍കൊടിക്ക്
എസ്മെരെല്‍ദായുടെ നയനങ്ങള്‍.
എന്നാല്‍ ഈ രാവിനപ്പുറം
ജന്മാന്തരങ്ങളിലേക്ക് തുണ പോരാന്‍
അവള്‍ക്കാവില്ല.
നിറഞ്ഞ ചഷകവും മാന്ത്രികസംഗീതവും
ഈ രാവിനു പോന്ന താരാട്ട് മാത്രം.
പുലരുവാനിനി ഏറെയില്ല,
വിണ്ട പാദങ്ങളുമായ്,
കനക്കും സൂര്യനൊപ്പം
പോകണം മുന്നോട്ടു , തനിയെ.
ചോരയിറ്റുന്ന പെരുവഴിയുടെ വേദന
അയാളുടെ ഹൃദയം പിളര്‍ക്കുന്നില്ല.
കൊടുങ്കാറ്റിലും കൂട് കൂട്ടുന്ന
കല തന്നെ ജീവനമെന്നു അയാളറിയുന്നു.
പാലായനത്തിന്റെ കണ്ണീര്‍ ചതുപ്പിലും
പതിയെയെങ്കിലും അത് തളിര്‍ക്കുന്നു.
മഹാനാശങ്ങളുടെ പാഴ്ഭൂമിയിലും
അത് അതിജീവനത്തിന്റെ
തുരുത്ത് സൃഷ്ടിക്കുന്നു.
ഒരു നാള്‍ ചുറ്റിനും ഒരു പ്രഭാവലയവുമായി
അയാള്‍ തിരിച്ചു വന്നേക്കാം
ആര്‍ക്കറിയാം,
പുറപ്പെട്ടു പോയവരാണ്
വലിയ അറിവുകളുമായി തിരിച്ചു വന്നത്!
No comments:
Post a Comment