ഓരോ
ജനതയും കടന്നു പോവും.
വഴിയോരത്തെ ചക്കരമാവ്
തേന്‍ നിറവില്‍ അമ്മത്തണലാവും.
കവണയെറിഞ്ഞ ബാല്യവും
അനാഥനായ നിഴലും
നട്ടുച്ചയുടെ നിഴലില്ലായ്മയാവും.
പിന്നെ പിന്‍ മടക്കത്തിന്റെ
ശിശിരത്തിലേക്ക് വേച്ച് നീങ്ങും.
കാറ്റെടുത്ത ഇലച്ചാര്‍ത്തുകളില്‍
കുരുന്നിലേ മരിച്ച കുഞ്ഞുങ്ങള്‍
പേര് കൊത്തിവെക്കും.
തലമുറകളുടെ
മുറജപം കണ്ട പള്ളിക്കാടുകള്‍
അവര്‍ക്ക് ഗേഹമൊരുക്കും.
പേമാരിയും
നിലാവും പുതച്ച രാവുകള്‍ കടന്നു
പുതു നാമ്പുകളുടെ പകലുകളുണരും.
നിനക്ക് പറയാനുള്ളതും നീയും
അടര്‍ന്നു വീണ ചിതാധൂളികളില്‍
ദേശാടനത്തിന്റെ കാറ്റോട് ചേരും.
നിനക്ക് ശേഷം വരുന്നവരോട്
വിളക്കുമരങ്ങള്‍ കഥകള്‍ പറയും.
വഴിയോരത്തെ ചക്കരമാവ്
തേന്‍ നിറവില്‍ അമ്മത്തണലാവും.
കവണയെറിഞ്ഞ ബാല്യവും
അനാഥനായ നിഴലും
നട്ടുച്ചയുടെ നിഴലില്ലായ്മയാവും.
പിന്നെ പിന്‍ മടക്കത്തിന്റെ
ശിശിരത്തിലേക്ക് വേച്ച് നീങ്ങും.
കാറ്റെടുത്ത ഇലച്ചാര്‍ത്തുകളില്‍
കുരുന്നിലേ മരിച്ച കുഞ്ഞുങ്ങള്‍
പേര് കൊത്തിവെക്കും.
തലമുറകളുടെ
മുറജപം കണ്ട പള്ളിക്കാടുകള്‍
അവര്‍ക്ക് ഗേഹമൊരുക്കും.
പേമാരിയും
നിലാവും പുതച്ച രാവുകള്‍ കടന്നു
പുതു നാമ്പുകളുടെ പകലുകളുണരും.
നിനക്ക് പറയാനുള്ളതും നീയും
അടര്‍ന്നു വീണ ചിതാധൂളികളില്‍
ദേശാടനത്തിന്റെ കാറ്റോട് ചേരും.
നിനക്ക് ശേഷം വരുന്നവരോട്
വിളക്കുമരങ്ങള്‍ കഥകള്‍ പറയും.
നിനക്കതില്‍
വേഷമെന്താവണമെന്ന്
നീയല്ലാതെ മറ്റാര് പറയും?
നീയല്ലാതെ മറ്റാര് പറയും?
No comments:
Post a Comment